Lindi më 11 nëntor 1971 në Gjilan. Jetoi me familjen e tij në fshatin Tërpezë. Shkollën fillore e kreu në shkollën “27 Shtatori” në Tërpezë në vitin 1986. Në periudhën kohore 1986-1990, vazhdoi Shkollimin e mesëm në QAMO “ Boro e Ramizi“, dy vitet e para i kreu në Pozhoran dhe dy vitet e fundit në Viti.
Studimet Universitare i vazhdoi në Universitetin e Prishtinës, në Fakulteti Filologjik, dega Gjuhë dhe letërsi shqipe, të cilat i përfundoi me sukses në vitin 2004. Diplomoi me temën “E madhe është gjëma e mëkatit” të shkrimtarit Mitrush Kuteli dhe merr kualifikimin Profesor.
Studimet e shkallës së dytë i vazhdoi poashtu në Universitetin e Prishtinës, në Fakultetin Filologjik, në degën “ Letërsi shqipe“ të cilat i përfundoi më 2012. Tema e diplomës ishte “Novelat e Mitrush Kutelit“ duke fituar titullin Master i shkencave Filologjike.
Pas përfundimit të studimeve, filloi punën si mësimdhënës në shkollën fillore “Hysen Tërpeza“ në Tërpezë, për të vazhduar pastaj në shkollat e fshatrave Radivojc, Ballancë, Budrikë dhe Pozheran. Nga data 1 qershor 2017 , filloi punë në arsimin e mesëm në Gjimnazin “ Kuvendi i Lezhës“ në Viti, në pozitën e profesorit për lëndën Gjuhë shqipe dhe letërsi.
Për arsye të avancimit të metodave mësimore dhe ngritjes profesionale , ka ndjekur disa kurse, seminare dhe trajnime.
⦁ Zhvillimi i mendimit kritik gjatë leximit dhe shkrimit-KEC
⦁ Mësimdhënia me nxënësin në qendër-MASHT
⦁ Në hap me kohën-EDU-POL, Zvicër
⦁ Shkathtësit e buta në kurrikulin shkollor-KEC
⦁ Mësimdhënia e bazuar në projekte-KEC
⦁ Vlerësimi për nxënie-USAID etj.
⦁ Revista për kulture, art dhe letërsi “Fjala“, në numrin e dhjetorit 2004, në rubrikën Kritika, botoi shkrimin e profit Besnik, me titullin “M. Kuteli- E madhe është gjëma e mëkatit“, pjesë e shkëputur nga punimi i diplomës.
Ka bërë lekturën dhe korrekturën e librit të profit Halim Emërllahu “Dimesioni sociologjik i ndërtimit të shtetit të Kosovës“, botuar më 2018.
Jeton me familjen e tij në Viti.