Dita e Tokës

Sot, në gjimnazin “Kuvendi i Lezhës” në Viti, shënuam me dinjitet dhe përkushtim Ditën e Tokës një ditë që na kujton përgjegjësinë tonë të përbashkët ndaj planetit që na mban gjallë.
Nëpërmjet angazhimit të nxënësve dhe mësimdhënësve, shkolla jonë u shndërrua në një hapësirë vetëdijësimi dhe veprimi konkret, ku u dëshmua se kujdesi për tokën nuk është vetëm detyrë, por kulturë dhe ndërgjegje qytetare. Çdo veprim i ndërmarrë sot ishte një mesazh i qartë: ruajtja dhe konservimi i natyrës janë themel i së ardhmes sonë.
Këto momente të bukura, të pasqyruara edhe përmes fotografive nga aktivitetet, mbeten dëshmi e një fryme të gjallë rinore që di të reflektojë, të veprojë dhe të ndërtojë një botë më të mirë.
Le të jetë kjo ditë një thirrje që kujdesi për tokën të mos mbetet simbolik, por të shndërrohet në mënyrë jetese çdo ditë, nga secili prej nesh.