Ceremonia e Certifikimit të 61 Mësimdhënësve për Edukimin Medial
🎉 U mbajt ceremonia e certifikimit të 61 mësimdhënësve, të cilët përfunduan me sukses programin e trajnimit “Edukimi Medial”. Ky trajnim u organizua në kuadër të projekteve “Transformimi Shoqëror Inovativ në Kosovë” dhe “Të Rinjtë për Digjitalizim”, të implementuara nga KEC.
Përtej ndarjes së certifikatave, ceremonia ofroi një hapësirë të vlefshme për mësimdhënësit e certifikuar që të ndanin përvojat e tyre, si dhe përvojat e nxënësve të tyre, të cilët janë anëtarë aktivë të Klubeve Mediale. Kjo ndarje u realizua përmes prezantimit të posterëve që reflektonin përvojat dhe arritjet nga aktivitetet e tyre.
Pjesëmarrësit gjithashtu patën mundësinë të marrin pjesë në një sesion të veçantë me temën “Narrativa e Bazuar në të Drejtat e Njeriut”. Ky sesion përfshiu trajtimin e teknikave të analizës së gjuhës së urrejtjes, zhvillimin e narrativave për të kundërshtuar këtë gjuhë dhe promovimin e mesazheve të bazuara në të drejtat e njeriut.
Ngjarja përfundoi në një atmosferë të ngrohtë, me biseda të këndshme joformale midis mësimdhënësve dhe organizatorëve, duke ndarë ide për projekte të ardhshme dhe bashkëpunime.
#Dokufest #embassyofthenetherlandsinkosovo #SMARTBalkans #SupportedByNorway #NationalInterventionsGrant #CPCDba #IDM #CRPM
