Aktivitete Kreative dhe Ndërvepruese të Klubit Medial në Parkun e Qytetit në Viti
Më datën 22.05.2024, “Klubi Medial” së bashku me grupin e artistëve të shkollës sonë, organizuan një sërë aktivitetesh të larmishme në parkun e qytetit në Viti. Aktivitetet synonin të promovonin kreativitetin, ndërgjegjësimin dhe shëndetin fizik nëpërmjet bashkëpunimit me komunitetin lokal.
Aktivitetet ishin të ndara në tri grupe kryesore:
- Intervistimi i qytetarëve të moshave të shtyera për të eksploruar perceptimet e tyre mbi ndikimin e teknologjisë në jetën e përditshme.
- Koloni artistike me temën “Ndikimi i Teknologjisë tek të Rinjët”, ku nxënësit shprehën idetë e tyre përmes artit.
- Rekreacion sportiv, duke promovuar një mënyrë jetese të shëndetshme dhe argëtuese.
Falënderojmë të gjithë nxënësit për pjesëmarrjen dhe angazhimin e tyre, kryetarin e komunës për vizitën e tij, si dhe përfaqësuesit nga KFOR-i Amerikan për pjesëmarrjen dhe mbështetjen e tyre në aktivitet.
Ky aktivitet u realizua me mbështetjen e Ministrisë së Jashtme të Norvegjisë, si pjesë e projektit SMART Balkans. Mirënjohje të veçantë për donatorët që bënë të mundur zhvillimin e këtyre aktiviteteve.
#SMARTBalkans #SupportedByNorway #NationalInterventionsGrant #CPCDba #IDM #CRPM
